У школе з 11.12. па 16.12.2023 г. прайшоў тыдзень педагагічнага майстэрства настаўнікаў пачатковых класаў, эстэтычнага напрамку, працоўнага навучання, фізічнай культуры і здароўя, выхавацелей групы падоўжанага дня, мэта якога заключалася ў павышэнні якасці адукацыйнага працэсу і ўзроўню прафесійнага майстэрства педагогаў, ва ўключэнні настаўнікаў у творчы пошук і актуалізацыі метадычнай работы ўвогуле.
У першы дзень на ўрачыстым адкрыцці тыдня ўвазе калектыва быў прапанаваны план работы і дадзена кароткая інфармацыя па кожным мерапрыемстве. У адпаведнасці з планам правядзення тыдня быў складзены графік адкрытых урокаў. Усяго было праведзена 7 адкрытых ўрокаў. Варта адзначыць, што на працягу тыдня настаўнікі змаглі пабываць на занятках, розных па змесце, форме і структуры. Усе настаўнікі, якія праводзілі адкрытыя ўрокі, паказалі прафесійнае майстэрства і падзяліліся цікавым вопытам з калегамі. Настаўнікі Крыўленя А.Л., Капачэня В.А., Рыжоў А.П., Пучэня Г.А, паказалі ўласныя творчыя знаходкі, уменне правільна змадэляваць урок, зацікавіць навучэнцаў і арганізаваць іх актыўную пазнавальную дзейнасць.
Метадычны тыдзень дазваляе правесці маніторынг прафесійнай дзейнасці педагогаў і намеціць карэкцыйныя шляхі, выявіць станоўчы вопыт педагагічнай дзейнасці і павысіць кваліфікацыю настаўнікаў, а таксама згуртаваць калектыў, адчуць сваю значнасць і неабходнасць, дзякуючы спланаванай рабоце і прафесійнаму ўзаемадзеянню.
Метадычны тыдзень з’яўляецца сапраўды эфектыўнай формай метадычнай работы, бо, з аднаго боку, у тыдні ўдзельнічае кожны педагог, а з другога – падчас тыдня ажыццяўляецца дыферэнцаваны падыход у залежнасці ад магчымасцей педагогаў, які станоўча ўплывае на якасць усёй метадычнай дзейнасці.
Усе настаўнікі падчас тыдня педагагічнага майстэрства праявілі добрыя арганізатарскія здольнасці, стварылі творчую атмасферу. Урокі, што праводзіліся, дазволілі раскрыць творчы патэнцыял як навучэнцам, так і педагогам. Тыдзень атрымаў станоўчы водгук сярод настаўнікаў і спрыяў не толькі прафесійнаму росту калектыву, але і яго згуртаванасці.
Матэрыялы тыдня педагагічнага майстэрства аформлены і папоўнілі школьную метадычную скарбонку.
свернуть
.jpg)
